Оқушының жоспарланған бір күні — таңғы астан кешке дейін

Күн ырғағы

Күн тәртібі таңғы астан бастап кешке дейін толық жоспарланған: сабақтар, таңғы ас, бесіндік пен түскі ас, үйірмелер, музыка, өздігінен дайындалу және жобалық жұмыстар. Бала әр сәтте немен айналысып жатқанын, оның не үшін қажет екенін және одан кейін не болатынын біледі. Осындай жүйелі ырғақта бейберекетсіздікке, кейінге қалдыруға немесе зерігуге орын қалмайды.

Барлығына ортақ нақты ережелер

Мектеп ережелері әр сынып үшін бірдей, оларды балаларға түсіндіреді, «жоғарыдан түсірмейді». Бала өзінен не күтілетінін түсінеді — бұл жанжалдардың жартысын басталмай тұрып жояды.

Әр сабақтың қатысуы бақылауда

Сабақтан қалу жағдайлары барынша азайтылған. Балалар сабаққа өздері қызығушылықпен қатысып, мектепке қуана келеді. Жекелеген себепсіз қалу жағдайлары бірден тіркеліп, балаға жаза қолдануға емес, мәселенің негізгі себебін анықтап, оны шешуге бағытталған жұмыс жүргізіледі.

Ересектер күні бойы қасында

Сабақтарда, үзілістерде, асханада және үйірмелерде балалардың жанында кураторлар, психологтар, педагогтер мен менторлар болады. Мектептегі қауіпсіздікті тек жасанды интеллект жүйесімен жұмыс істейтін камералар мен тәулік бойғы күзет қана қамтамасыз етпейді — ең алдымен, балалар сенім артатын ересектер қамтамасыз етеді.

Ата-ана барлық жағдайдан хабардар болады және мәселе туындағанын кейіннен ғана біліп отырмайды.

Куратор әр отбасымен тұрақты байланыста болады: баланың үлгерімі, тәртібі және сыныптағы ахуалы туралы хабардар етіп отырады. Мәселе туындаған жағдайда, ата-ана оны бірден біліп, мектеппен бірге шешу жолдарын қарастырады.

Біздің авторлық Digital Mektep by Aubakirova School платформасы әр оқушының оқу үлгерімі бойынша тұрақты есеп қалыптастырады. Бұл ата-анаға баласының оқу барысындағы маңызды өзгерістерден үнемі хабардар болуға, ал мектепке үлгерімге немесе баланың эмоционалдық жағдайына әсер ететін мәселелердің негізгі себептерін дер кезінде анықтап, қажетті шараларды қабылдауға мүмкіндік береді.